|
|
Lindåsosane. Auren. M/B AUREN var ein passasjerbåt som Karl J. Karlsen son av Tormod Karlsen og Camilla f. Støldal, kjøpte i 1945 for å driva passasjertrafikk mellom Lindås og Bergen i konkurranse med Lindaas & Masfjorden Dampskibsselskap AS. Auren var sopass liten at den slapp gå gjennom Slusene, den gjekk gjennom Lurestraumen, for å komme ut i Lurefjorden. Som ein ser so er båten driven med vedgass, generatoren ser du bak styrehuset. Olje var det knapt om i frigjeringsdagane. Framme på dekk er Arnold Østrem, svoger til Karl J. Karlsen, og i styrehuset er Fimreite, deleigar i båten og skippar.Auren hadde ei kort tid i passasjertrafikken, den laut gjeva opp. Spesielt minnes ein at det var Auren som førde heimatt Lindås sine Tysklandsfanger, Odd Solem frå konsentrasjonslæger og Knut Spjeldnes som vart arrestert av tyskarane i august 1943, og sat i tysk fangenskap, saman med andre arresterte norske offiserar.
|
|
